Төр хувийн хэвшлийн түншлэлээр хэрэгжүүлэх төслүүдэд Улаанбаатар хотын жижиг, дунд үйлдвэр, үйлчилгээ эрхлэгчдийн үр ашгийг нэмэгдүүлэн оролцуулах, хоорондын хамтын ажиллагааг бэхжүүлж, кластер хэлбэрээр хөгжих суурь бүтцийг бүрдүүлэх, тухайн салбарын хөгжлийн үр нөлөөг нэмэгдүүлэх зорилгоор Нийслэлийн "Жижиг, дунд үйлдвэр, үйлчилгээг дэмжих төв" НӨҮГ-ын дарга Г.Гангамөрөн, Эмээлт эко аж үйлдвэрийн паркийн захирал Б.Мягмар нар “Хамтын ажиллагааны санамж бичиг"-т гарын үсэг зурлаа.

Импортыг орлох экспортын чиг баримжаатай дэлхийн жишигт хүрсэн хөнгөн үйлдвэрийн парк бий болгох төслийн хүрээнд Жижиг, дунд үйлдвэрлэлийн салбарт Нэмүү өртөг шингэсэн эцсийн бүтээгдэхүүн үйлдвэрлэх ажлыг эрчимжүүлснээр, Монгол Улсад үнэгүйдээд байгаа ноос, арьс шир зэрэг малын гаралтай түүхий эдийг эдийн засгийн эргэлтэд оруулах зэрэг олон талын ач холбогдолтой юм.