Хүнс, хөдөө аж ахуй, хөнгөн үйлдвэрийн сайд Х.Болорчулуун БНХАУ-ын Худалдааны яамны дэд дарга Ли Фэйтэй /2023.09.06/ Хөх хотод уулзлаа.

Уулзалтад Монголын талаас Хүнс, хөдөө аж ахуй, хөнгөн үйлдвэрийн дэд сайд М.Ганхүлэг, Хятадын талаас худалдааны яамны мэргэжилтнүүд оролцов. 

Талууд Экспортыг нэмэгдүүлэхэд боомтуудын хүчин чадлыг нэмэгдүүлэх, стратегийн хүнс мах, махан бүтээгдэхүүн үйлдвэрлэж буй аж ахуй нэгжүүдийн стандартыг хангаж ажиллах талаар санал солилцлоо.

Тодруулбал боомтын хувьд зөвхөн Эрээн, Замын-Үүд бус баруун, зүүн бүсээр мал болон ургамлын гаралтай түүхий эдийг экспортод гаргах, махны эспортлогч аж ахуй, нэгжийн тоог өсгөх, хөх тариа, улаан буудай зэрэг экологийн цэвэр бүтээгдэхүүний экспортыг нэмэгдүүлэх, гүүний саам, чацаргана, бусад органик хүнсийг БНХАУ-ын зах зээлд түлхүү гаргах зэрэг асуудлыг онцлов.