Улаанбаатар хот Баянзүрх дүүргийн ... дүгээр хороо, ...  дугаар гудамжинд гэр шатаж байна гэсэн дуудлагыг  9 сарын 6-ны өдрийн 17:49 цагт дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид хүлээн авчээ. Алба хаагчдыг 7 км замыг туулан 17:57 цагт очиход иргэн Э-ын 5 ханатай гэр, Т-ны 6х4 метрийн хэмжээтэй байшин, У-ийн 5 ханатай гэр, Э-ын 6х3 метрийн хэмжээтэй амбаарын дээвэр, Б-ын 4х3 метрийн хэмжээтэй амбаар, хураалттай 5 ханатай гэр, “Приус-20” загварын автомашины толь тус тус шатаж байсныг 1 цаг ажиллаж унтраасан байна.