Ховд аймагт цас их орсны улмаас хоёр айл цасанд боогджээ

Ховд аймгийн Эрдэнэбүрэн суманд 11 дүгээр сарын 13-ны өдрөөс цас орж эхэлжээ. Улмаар 50-70 см зузаан цас орсны улмаас зам даваа хаагдаж, уулан дээр өвөлжиж байсан хоёр айл цасанд боогдсон байна. Энэ тухай дуудлагыг 11 дүгээр 15-ны өдрийн 11:20 цагт хүлээн авчээ.

Дуудлагын дагуу аймгийн Онцгой байдлын газрын Аврах ангийн алба хаагчид, Мэргэжлийн ангийн ажилтнууд малчин Г /55 настай, эрэгтэй/, О /55 настай, эмэгтэй/, Б /31 настай, эрэгтэй/ нарыг 1400 бог малтай нь 11 дүгээр сарын 16-ны өдрийн 10:09 цагт уулнаас буулгажээ. Мөн малчин Б /34 настай, эрэгтэй/, Б /32 настай, эмэгтэй/, Б /16 хоногтой, эрэгтэй/  нарыг 700 бог малтай нь мөн уулнаас буулгасан байна. 


Ховд аймагт цас их орсны улмаас хоёр айл цасанд боогджээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0