Налайх дүүргийн нутаг дэвсгэрт 140 айлын хаус хорооллын төсөл хэрэгжүүлж байна хэмээн иргэдийг залилан мэхлэхээр бэлтгэж байсан этгээдийг цагдаагийн алба хаагчид баривчилжээ. Тухайн этгээд орон сууцны захиалгын гэрээтэй холбоотойгоор 11 иргэнээс 500 сая төгрөг авч, 120 иргэнтэй 3.6 тэрбум төгрөгийн захиалгын гэрээ байгуулсан байжээ. Залилах гэмт хэрэгтэй тэмцэх газрын Эрүүгийн цагдаагийн хэлтсийн алба хаагчид 2026 оны есдүгээр сард Баянзүрх дүүргийн нутаг дэвсгэрт байхад нь дайчлан баривчилсан байна. Яллагдагч Д нь House mentor, Arvijih green village, Svmber house capital зэрэг цахим хуудсыг хөгжүүлж, хаус хорооллын төслийн зураг, видео танилцуулга, сурталчилгааны материалыг хиймэл оюун ухаан ашиглан бүтээлгэж, цахим орчинд сурталчилдаг байсан нь тогтоогджээ. Цагдаагийн байгууллагаас иргэдийг цахим орчинд байршуулсан хаус, орон сууцны төслийн зураг, видео танилцуулга болон хиймэл оюун ухаанаар бүтээсэн дүрслэлд үндэслэн урьдчилгаа мөнгө шилжүүлэхгүй байхыг анхаарууллаа.