Зэрлэг бөхөнгийн эврийг хууль бусаар нэвтрүүлэхээр завджээ. Монгол улсын хилээр 3260 ширхэг буюу 700 орчим кг зэрлэг бөхөнгийн эврийг хууль бусаар Оросын холбооны улсаас нэвтрүүлэх гэж байсан хэргийг Баян-Өлгий аймгийн Цагдаагийн газрын алба хаагчид илрүүлэн хил, гаалийн байгууллагатай хамтран холбогдох шалгалтын ажиллагааг явуулж байна. Дэлхийд зэрлэг бөхөнгийн эвэрийн хууль бус наймаа маш өндөр зохион байгууллалтай явагддаг бөгөөд уламжлалт эмчилгээний зах зээлийн эрэлттэй холбогдуулан Төв болон Дундад ази ялангуяа Монгол, Казахстан, Узбекстан зэрэг улсуудаас зүүн болон зүүн өмнөд ази руу зөөвөрлөгддөг аж.