Хот байгуулалт, барилга, орон сууцжуулалтын яамны сайд Э.Бат-Амгалан сайдын зөвлөхөөр ажиллаж байгаад Баянзүрх дүүргийн Засаг даргаар томилогдсон И.Баттөгс нь өмнө нь тус дүүргийн ЗДТГ-ын даргаар ажиллаж байхдаа мэргэжлийн бус, төрийн албаны туршлагагүй 4 хүнийг томилсон гэх шүүмжлэлд өртөж байв.

Авлигатай Тэмцэх Газарт (АТГ) гаргасан 2025 оны Хөрөнгө, орлогын мэдүүлгээс нь үзвэл тэрбээр өөрөө ямар нэгэн орлогогүй гэж мэдүүлжээ.

• Өөрийн орлого: ₮0
• Гэр бүлийн орлого: ₮9.8 сая
• Орон сууц, барилга байгууламж: ₮530 сая (2 орон сууц)
• Тээврийн хэрэгсэл: ₮90 сая (Toyota Alphard болон микроавтобус)
• Мал ахуй, газар: ₮0
• Үнэт эдлэл, урлаг, түүхийн зүйлс: ₮3.9 сая
• Хадгаламж: ₮25 сая
• Авлага: ₮0
• Зээл: ₮105 сая

Түүний хувьд 2004 оноос эхлэн хувийн хэвшил болон төрийн байгууллагад ажилласан туршлагатай гэнэ. 

• 2004-2009 он: "Мянганы барилга" ХХК болон "Эточэ" ХХК-д хуулийн зөвлөх, дэд захирал
• 2009-2020 он: Нийслэлийн мэргэжлийн хяналтын газарт ахлах мэргэжилтэн, хэлтсийн даргаар ажилласан
• 2020-2025 он: Баянзүрх дүүргийн Засаг даргын Тамгын газрын дарга
• 2025-2026 он: УИХ-ын Тамгын газар болон Хот байгуулалт, барилга, орон сууцжуулалтын яаманд сайдын зөвлөхөөр тус тус ажиллаж байжээ.