Монгол улсын иргэн  Ц.Э нь 13 настайдаа тархиндаа гэмтэж унаж татдаг болсон бөгөөд СЭМҮТ-д  F07.8, F99 оношоор 2021 оны 07-р сарын 06-ны өдрөөс хэвтэн эмчлүүлсэн байна. Энэ үеэр түүний эмчлэгч эмч болох СЭМҮТ-ийн  Сэтгэцийн эмгэг судлалын II клиникийн эрхлэгч Б.Алтанзул “ …эмнэлэгт хэвтэж байгаа өвчтөн халамжийн мөнгөөрөө хаа хамаагүй эм авч болохгүй” гээд нийгмийн халамжийн тэтгэвэр авдаг хаан банкны картыг нь хураан авсан байна.

Уг нь СЭМҮТ-д F-99 оноштой байнгын хэвтэн эмчлүүлдэг 219  иргэн байдаг. Тэдний 98 эмчлүүлэгчийн нийгмийн халамж авдаг картыг хариуцан ажилладаг хүн СЭМҮТ-д байдаг бөгөөд сардаа хоёр удаа дэлгүүрээс өөрсдийнх нь зөвшөөрлөөр хэрэгцээт зүйлсийг нь худалдан авч өгдөг байтал Б.Анхзул толгой мэдэн бусдын тэтгэмжийг хүнс авах, кино театр, кофе шоп зэрэгт  хувьдаа ашигласан байна.

F07.8  Тархины өвчин гэмтэл үйлийн  хямралын шалтгаант ба бие хүний төрөх үйлийн бусад органик эмгэг буюу унаж татдаг үүний улмаас сэтгэцийн өөрчлөлтөд ордог.

F-99  Хүнд хэлбэрийн сэтгэцийн эмгэг буюу заавал урт хугацаанд хэвтэн эмчлүүлэх шаардлагатай онош ажээ.

Эмчлүүлэгч Ц.Э-ийн хувьд унаж татахгүй л бол харилцахад хэвийн нэгэн гэдгийг гэр бүлийнхэн болон  СЭМҮТ-ийн ажилчид баталдаг.

Чухам энэ үеэс буюу эмнэлэгт хэвтсэн үеэсээ тэрбээр өөрийнхөө нийгмийн халамжийн тэтгэврийг авч чадахгүй, ойр зуурын хэрэглээний юмаа ч авч чадаагүй байна. Энэ талаар тэрбээр гэр бүлийнхэндээ хэлж байсан ч хэрэг шалгагдаагүй бөгөөд СЭМҮТ-ийн дотоод хяналтаар тодорхой болж хэргийг АТГ-аас шалгаж эхэлсэн байна.

Мөрдөн байцаалтын явцад  Б.Анхзул нь СЭМҮТ-д хэвтэн эмчлүүлж байсан Ц.Э-д нийгмийн халамж хэмээн төрөөс

•  2021оны 10-р сарын 14-ны өдрөөс 2023 оны 06-р сарын 16-ны өдөр хүртэл сар бүр 288 000,
• 2023 оны 07-р сарын 14-ны өдрөөс  2024 оны 03-р сарын 14-ны өдөр хүртэл сар бүр 324 000,
• 2024 оны 04-р сараас он дуустал сар бүр 375 000 төгрөг,
• 2025 оны нэгдүгээр сараа арваннэгдүгээр сар хүртэл сар бүр 397 500 төгрөгийн нийт   16 720 000  төгрөгийн нийгмийн халамжийн тэтгэврийг ДӨРВӨН ЖИЛ НЭГ САРЫН турш ашигласан болох нь нотлогдсон байна.

АТГ-аас хэргийг шалгаж эхлэхтэй зэрэгцэн Б.Алтанзул нь эмчлүүлэгчийн ар гэр рүү залгаж өргөдөл бичүүлэн авч гэмт хэргийнхээ ул мөрийг баллахыг завдсан байна. Гэвч түүний гэмт үйлдэл нь олон нотлох баримтаар тогтоогдсон бөгөөд түүнийг Эрүүгийн хуулийн 22.1.1-д зааснаар яллах дүгнэлт үйлдэн хэргийг нь шүүхэд шилжүүлжээ.

СЭМҮТ-д эмчлүүлэгчийн нийгмийн халамжийг дөрвөн жил нэг сарын турш хувьдаа завшсан СЭМҮТ-ийн эрхлэгчээр саяхныг хүртэл ажиллаж байсан Б.Анхзулд холбогдох  энэ хэргийг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүх 2026.09.04-ны өдөр хэлэлцсэн юм.

Тэрбээр энэхүү гэмт хэргийнхээ талаар шүүх танхимд худлаа мэдүүлэхийг завдсан ч  нотлох баримтуудаар тогтоогдсон, шүүгчийн асуусан асуултад бүдэрсээр байсан бөгөөд өрх толгойлсон ганц бие эх хүн, хүүхдээрээ шүүхэд өргөдөл бичүүлэн өрөвдүүлэх арга хэрэглэн яллаж буй хэргийн  хамгийн бага ялыг буюу зорчих эрх хасах ял оноож өгөхийг хүссэн юм.

Шүүхээс түүнийг анх удаа гэмт хэрэгт холбогдсон, хохирлоо барагдуулсан болон хувийн байдлыг нь харгалзан үзэж СЭМҮТ-ийн Сэтгэцийн эмгэг судлалын II клиникийн эрхлэгч асан Б.Алтанзулд хоёр жилээр зорчих эрх хязгаарлах ял онооосн.  Улмаар 37 хоног цагдан хоригдсон хугацааг эдлэх ялд нь багтааснаар  Б.Анхзул нэг жил арван сар хорин гурван хоног Баянзүрх дүүргээс гарахгүй байх ял оногдуулжээ.