Жендэрийн эрх тэгш байдлыг хангах төрийн бодлого, хууль тогтоомжийг олон нийтэд таниулах, мэдээлэх, жендэрийн мэдээллийн сан бүрдүүлэх чиг үүргийн хүрээнд Хорооны ажлын албанаас эрхлэн гаргасан хэвлэмэл бүтээгдэхүүнийг Улаанбаатар хотын нийтийн номын сангуудад түгээх арга хэмжээг зохион байгуулж байна. 

Энэхүү арга хэмжээнд Жендэрийн үндэсний хорооны Нарийн бичгийн дарга бөгөөд Ажлын албаны дарга Т.Энхбаяр болон албаны бусад хүмүүс, Монгол Улсын Үндэсний номын сангийн захирал, Соёлын гавьяат зүтгэлтэн Б.Ичинхорлоо, Ном бүрдүүлэх, боловсруулах, солилцох хэлтсийн дарга Г.Гүнжинлхам, Ерөнхий номын санч Т.Баярлах нар оролцож, номын сангийн албан хаагчдыг сургах, 21 аймаг болон 330 сумын соёлын төвийн дэргэдэх номын сангуудаар дамжуулан олон нийтийн жендэрийн боловсролыг нэмэгдүүлэх, соён гэгээрүүлэх үйл ажиллагааг Монгол Улсын Үндэсний номын сантай хамтран зохион байгуулах боломжтой талаар харилцан санал солилцлоо. 

Уншигчдын сонорт дараах 8 нэр төрлийн 80 орчим хэвлэмэл бүтээгдэхүүнийг хүргэж байгаа  болно. 

“Жендэрийн эрх тэгш байдлыг хангах салбар дундын стратеги төлөвлөгөө /2022-2031/”, 

Жендэрийн нэр томьёо тодорхойлолт, үндсэн ойлголтуудын товч тайлбар толь, 

Жендэрийн мэдрэмжтэй ажлын байрны бодлого, 

Монгол Улсын эрэгтэй, эмэгтэй хүмүүсийн дундаж наслалтын зөрүүтэй байдал, түүнд нөлөөлөх хүчин зүйлс суурь судалгааны тайлан, 

Эрэгтэй, эмэгтэй залуу малчдын амьдрал ахуй дахь жендэрийн дүн шинжилгээ, 

Монгол Улсын жендэрийн нөхцөл байдлын дүн шинжилгээ: 2005 оноос өнөөг хүртэлх ололт амжилт ба сорилт сургамж, 

“Санхүү, бизнесийн боловсрол” гарын авлага, 

Ажлын байрны бэлгийн дарамтаас урьдчилан сэргийлэх, хамгаалах, түүнтэй холбоотой гомдлыг байгууллагын хөдөлмөрийн дотоод журмын хүрээнд хянан шийдвэрлэх талаарх аргазүйн зөвлөмж