Баянхонгор аймгийн Шинэжинст сумын Эхийн гол - Толь булаг хэмээх газрыг түшиглэн Хавтгай тэмээг хамгаалах, гаршуулан үржүүлэх зорилгоор төв болон хээрийн судалгааны бааз байгуулж 60 га газарт 7 бодгаль Хавтгай тэмээг хоёр жилийн өмнө нутагшуулах ажил хийгдсэн байдаг. Шинэжинст суманд ажиллах үеэрээ Засаг дарга Э.Энхбат тус Хавтгай тэмээ үржүүлгийн газрын үйл ажиллагаатай танилцав. Хавтгай тэмээ үржүүлгийн газар энэ жил 15 бодгаль хавтгай тэмээтэй болсон бөгөөд хоёр буур, 4 ботго зэргээр нийт 15 тоо толгойд хүрсэн байна. Үржүүлгийн газрын үйл ажиллагааг нутгийн малчид буюу М.Цэгмидийн гэр бүл тухайн бүсэд хариуцан ажиллаж байна.