Дорнод аймгийн Цагаан-Овоо сумын 2-р багийн суурьшлын бүсэд  хэсэг тооны баавгай орж иржээ. 

Тухайн сумын нутаг дэвсгэр ой мод багатай газар бөгөөд энэ нутагт баавгай бараг байдаггүй аж. Гэтэл энэ удаад олноор орж ирсэнд нутгийн иргэд айдастай байна. Одоогоор баавгайнуудыг сумын онцгой байдлын газраас баг гарч, ой руу хөөж гаргажээ. Баавгай нь хоол тэжээл, ус хайх үедээ хүн амьдардаг газар, малын бэлчээр болон суурьшлын бүсэд ойртох тохиолдол байдаг. Ялангуяа байгалийн хоол тэжээл хомсдох, ган, түймэр зэрэг нөхцөлөөс гадна малын сэг зэм, хүнсний хаягдал зэрэг нь баавгайг айл, суурин газар руу татах шалтгаан болдог байна.