УАУ-ы их эмч, Сэтгэл судлаач Б.Батчимэг -ийн "Ширгээсэн усыг хэрхэн бэлтгэдэг вэ" зөвлөгөөг хүргэж байна.  

Уламжлалт аргаар улирлаас шалтгаалан усыг өөр өөр хэмжээгээр ширгээдэг. Тодруулбал, 

• Намар – Буцалгаж буй усныхаа тал хувийг ширгээнэ.
• Зун, өвөл – Усныхаа 2/3-ыг ширгээнэ.
• Хавар – Усныхаа 3/4-ийг ширгээж, 1/4-ийг үлдээнэ.

Бэлтгэсэн усаа бага багаар шимж уугаарай. Балга ус эсэд очдог гэдэг дээ. Өнөөдрийн бидний хэрэглээний ус урт шугам хоолойгоор дамжин ирдэг. Гэрийн ус цэвэршүүлэгчийн шүүлтүүрт зэв, тунадас хуримтлагдсан байдаг нь усанд янз бүрийн хольц агуулагдаж болохыг харуулдаг. Тиймээс ундны усаа сайтар буцалгаж хэрэглэх нь эрүүл ахуйн хувьд тустай. Буцалгах явцад хөөс нь арилж, усны амт зөөлөн болдгийг ажиглаарай.