Монгол тарваганы тоо толгойг өсгөх, хамгаалах зорилтын хүрээнд Сүхбаатар аймгийн Эрдэнэцагаан сумын Зотол хан уулын ар хормойд 28 монгол тарвагыг сэргээн нутагшуулжээ.

Эрдэнэцагаан сумын Зотол хан уулын ар хормойд 28 монгол тарвагыг  нийгмийн хариуцлагын хүрээнд зэрлэг амьтан хамгаалал, биологийн чиглэлээр мэргэшсэн компани сумын ЗДТГ-тай хамтран гүйцэтгэжээ.

Энэ нь байгаль орчныг хамгаалах, экологийн тэнцвэрт байдлыг хадгалах, зэрлэг ан амьтдын тархац, нөөцийг нэмэгдүүлэх чиглэлээр хийж буй үр дүнтэй ажил гэдгийг аймгийн Байгаль орчны газраас онцоллоо. 

Монгол тарвага нь тал хээрийн экосистемийн тогтвортой байдлыг хангах, байгалийн жам ёсны тэнцвэрийг хадгалах, биологийн олон янз байдлыг хамгаалахад онцгой ач холбогдол бүхий ховор, үнэ цэнтэй амьтан юм.