Монгол Улсын баатар, хурандаа генерал Б.Цогийн нэрэмжит Цэргийн гавьяаны одонт Зэвсэгт хүчний 120 дугаар ангийнхан цэргийн сургалт бэлтгэл төлөвлөгөөний дагуу “Тактик тусгай бэлтгэл”-ийн явган маршийг зохион байгууллаа. 

Явган маршид ангийн офицер, ахлагч, ажилтан албан хаагчид, цэргийн гэрээт болон хугацаат албаны дайчид хамрагдаж, бие бялдрын бэлтгэлжилтийг дээшлүүлэхийн зэрэгцээ хамт олны нөхөрсөг харилцааг улам бэхжүүлсэн спортын тэмцээн, хөгжөөнт уралдаанаар өрсөлдөж, хээрийн байрлалд нэгэн өдрийг өнгөрүүллээ. 

Энэ үеэр ангийн удирдлагууд Зэвсэгт хүчний Хуурай замын цэргийн командлагч болон ангийн захирагчийн тушаалаар цол нэмсэн офицер, ахлагч, хугацаат цэргийн алба хаагчдад албан тушаалын цолыг нь гардуулан өгч, баяр хүргэсэн юм.