Хүрээ цам - Даншиг наадам 2026

Энэ жилийн шашин соёлын томоохон арга хэмжээ болох “Хүрээ цам - Даншиг наадам” 2026 оны 6 дугаар сарын 27, 28-ны өдрүүдэд (энэ долоо хоногийн Бямба, Ням гарагт) Хүй долоон худагт зохион байгуулагдах гэж байна. Очирваань бурхан болон Эзэн Богд Чингис хааны тахилгаар эхэлж, сүр жавхлант цам харайх ёслол, лам нарын ном хаялцах тэмцээн, балин тосон урлалын уралдаан болно. Хүчит бөхийн барилдаан, үндэсний сурын харваа, сээр цохих тэмцээнүүд зохиогдоно. Тээвэр: Наадмын өдрүүдэд Хүй долоон худаг руу чиглэсэн нийтийн тээврийн 16 автобус иргэдэд үнэ төлбөргүй үйлчилнэ.

Хүй долоон худагт болох “Даншиг наадам - Хүрээ цам 2026” арга хэмжээний дэлгэрэнгүй хөтөлбөр болон автобусны маршрутыг хүргэж байна.

Даншиг наадмын дэлгэрэнгүй хөтөлбөр

(6 дугаар сарын 27–28)

6 дугаар сарын 27 (Бямба гараг):

09:00 -Очирваань бурхны тахилга, Эзэн Богд Чингис хааны тахилгын зан үйл

11:00 – Наадмын нээлтийн ажиллагаа

11:30 – Хүчит 256 бөхийн барилдааны нэгийн даваа эхэлнэ

12:00- Лам нарын дундах ном хаялцах тэмцээн болон балин тосон урлалын уралдаан

14:00 -Үндэсний сурын харваа, сээр цохих тэмцээн

6 дугаар сарын 28 (Ням гараг):

09:00 – Сүр жавхлант Хүрээ цам харайх ёслолын ажиллагаа эхэлнэ

10:00 – Бөхийн барилдааны үргэлжлэл (Шөвгийн даваанууд)

15:00– Даншгийн цол олгох Хүчит бөхийн барилдааны үзүүр, түрүүний тоглолт

17:00 – Хаалтын ажиллагаа болон шагнал гардуулах ёслол

Үнэ төлбөргүй автобусны маршрут

Наадмын өдрүүдэд (6 дугаар сарын 27, 28-нд) иргэдэд зориулж нийт 16 автобус дараах маршрутаар үнэ төлбөргүй үйлчилнэ:

Үндсэн чиглэл: Төв цэнгэлдэх хүрээлэн (эсвэл Саппорогийн буудал) — Хүй долоон худаг

Хөдлөх цаг:

Өглөө 07:00 цагаас эхлэн оройн 22:00 цаг хүртэл тогтмол хуваариар явна.

Давуу тал: Автомашины түгжрэлээс зайлсхийж, тусгай зориулалтын замаар шуурхай зорчих боломжтой.