Хэнтий аймгийн Батширээт сумын нутаг, Гутайн даваа-Хөмүүл голын эх хэмээх улсын тусгай хамгаалалттай байгалийн цогцолборт газарт хууль бусаар алт олборлоод баригдлаа. 

Тодруулбал, улсын тусгай хамгаалалттай байгалийн цогцолборт газраас олборлосон, алтны өндөр агууламж бүхий 610 кг чулууг Улаанбаатар хот руу хууль бусаар тээвэрлэж явсныг Экологийн цагдаагийн албаны алба хаагчид шуурхай илрүүлжээ. Одоогоор хэрэгт холбогдох тээврийн хэрэгслийг битүүмжлэн саатуулаад байгаа бөгөөд уг хууль бус үйлдлийг нарийвчлан тогтоохоор мөрдөн шалгах ажиллагааг үргэлжлүүлж байна.