Дархан-Уул аймгийн Орхон сумын 2-р багийн нутаг дэвсгэрт орших Хөтөл хорооллын 2 малчны хотонд шүлхий өвчин гарсан байж болох сэжиг илэрчээ.

Шүлхийтсэн байж болзошгүй малаас шинжилгээ авч, Улсын мал эмнэлэг, ариун цэврийн төв лабораторид шинжлүүлж байна. Үүнтэй холбогдуулан тус аймгийн бүх бог малыг шүлхий өвчнөөс урьдчилан сэргийлэх дархлаажуулалтад хамруулна гэж тус аймгийн Мал эмнэлгийн газар мэдээллээ.

Дархлаажуулалтад хамрагдсан малын сүүг 3 хоног, махыг 7 хоног хүнсэнд хэрэглэж болохгүй. Малчид мал шилжүүлэхгүй байхыг анхаарууллаа. Шаардлагатай тохиолдолд өөр тийш мал шилжүүлэх бол харьяа малын эмчдээ хандаж бүртгүүлэх шаардлагатай.