Цагдаагийн ерөнхий газрын Санхүү, ар талын албанаас цагдаа болон дотоодын цэргийн алба хаагчдын дүрэмт хувцас, ялгах тэмдэг, материал худалдан авах нийт 20,430,773,000 (хорин тэрбум дөрвөн зуун гучин сая) төгрөгийн төсөвт өртөг бүхий томоохон хэмжээний нээлттэй тендер зарласан байна. Уг худалдан авалтын санхүүжилтийг улсын урсгал төсвийн хөрөнгөөр шийдвэрлэх аж.

Тендер шалгаруулалт нь хэд хэдэн багцуудаас бүрдэж байгаа бөгөөд одоогоор цахим системд дараах багцуудын мэдээлэл ил болоод байна. Үүнд:

• Багц 10: Ноосон ороолт- 260,000,000 төгрөг

• Багц 24: Берет малгай- 222,035,000 төгрөг Дээрх хоёр багцад нийт 482 гаруй сая төгрөг төсөвлөсөн бөгөөд үлдсэн 19.9 тэрбум төгрөгийн төсөвт өртөг бүхий бусад дүрэмт хувцас, хэрэгслийн багцуудын дэлгэрэнгүй жагсаалт тендерийн үндсэн баримт бичигт тусгагджээ.