Л.Амгаланбаяр нь нийтийн албан тушаалтнаар ажиллаж байхдаа албан үүрэг, бүрэн эрх, албан тушаалын байдлаа урвуулан ашиглаж

• сумын ЗДТГ-т авто принтер хэрэгтэй байгаа тул нийгмийн хариуцлагын хүрээнд авч өгөх талаарх саналыг Г ХХК-ийн гүйцэтгэх захирал Ш.Лхагвасүрэнд тавьж улмаар иргэн П-с 2010 онд үйлдвэрлэгдсэн авто принтер худалдан авахыг санал болгож техникийн үнэ 130 сая төгрөгийг төлүүлж техник хэрэгсэл худалдан борлуулах нөхцөлийг бүрдүүлж иргэн П-д эдийн засгийн давуу байдал бий болгосон
• сумын ЗДТГ-т авто зам индүүдэгч хэрэгтэй байгаа тул нийгмийн хариуцлагын хүрээнд авч өгөх талаар Э ХХК-ийн захирал Ц-д санал тавьж улмаар иргэн Ц-с 2013 онд үйлдвэрлэгдсэн зам индүүдэгч механизмыг худалдан авахыг санал болгож техникийн үнэ болох 90 сая төгрөгийг түүгээр төлүүлж тээврийн хэрэгсэл худалдан борлуулах нөхцөлийг бүрдүүлж Ц-д эдийн засгийн давуу байдал бий болгосон
• суманд уул уурхайн үйл ажиллагаа явуулдаг Э.Бямбасүхийн үйл ажиллагаагаа саадгүй явуулах гэсэн ашиг сонирхлыг ашиглан түүнээс тээврийн хэрэгслийн засварын мөнгө, сургуулийн багш нарт мөнгө өгөх нэрийдлээр хахууль өгөхийг шаардаж 2,5 сая төгрөг
• алтны бичил уурхайн чиглэлээр үйл ажиллагаа явуулдаг ХХК-ийн эрхлэгч Г.Цэрэндагвын үйл ажиллагаагаа саадгүй явуулах ашиг сонирхлыг ашиглан мөнгө өгөхийг шаардаж 7 сая төгрөг,
• Г ХХК-ийн захирал Ш.Лхагвасүрэнгийн уул уурхайн үйл ажиллагаагаа саадгүй явуулах гэсэн ашиг сонирхлыг ашиглана түүнээс сумын намын гишүүд гадаад улсад сургалтад явахад мөнгө хэрэгтэй гэх нэрийдлээр хахууль өгөхийг шаардаж 3 сая төгрөг тус тус авсан хэрэгт,
• харин Э.Бямбасүх, Ш.Лхагвасүрэн, Г.Цэрэндагва нар нь сумын Засаг дарга Л.Амгаланбаярын албаны чиг үүрэг, бүрэн эрх албан тушаалын байдалтай нь холбогдуулан түүний шаардсаны дагуу хахууль өгсөн гэмт хэрэг тус тус үйлдэж прокуророос яллах дүгнэлт үйлдэн хэргийг шүүхэд шилжүүлсэн.

Анхан шатны шүүх хэргийг хэлэлцээд шүүгдэгч Л.Амгаланбаярыг Нийтийн албан тушаалтан албан үүрэг, бүрэн эрх албан тушаалын байдлаа урвуулан ашиглаж бусдад давуу байдал бий болгох гэмт хэрэг, мөн нийтийн албан тушаалтнаар ажиллаж байхдаа Э.Бямбасүх, Ш.Лхагвасүрэн, Г.Цэрэндагва нарын ашиг сонирхлын үүднээс албаны чиг үүргээ хэрэгжүүлсний хариуд бусдаар дамжуулан хахууль авсан гэмт хэргийг тус тус үйлдсэн гэм буруутайд тооцож нийтийн албанд томилогдох эрхийг 7 жилийн хугацаагаар хасаж, 4 жилийн хугацаагаар хорих ял,

Шүүгдэгч Э.Бямбасүх, Ш.Лхагвасүрэн, Г.Цэрэндагва нарыг өөртөө давуу байдал бий болгох зорилгоор Л.Амгаланбаярын албаны чиг үүрэг, бүрэн эрх албан тушаалын байдалтай нь холбогдуулан бусдаар дамжуулан түүнд хахууль өгөх гэмт хэрэг үйлдсэн гэм буруутайд тооцож нийтийн албанд томилогдох эрхийг 3 жилийн хугацаагаар хасаж, 4 сая төгрөгөөр торгох ял тус тус оногдуулж шийдвэрлэлээ.