2026 оны 5-р сарын 25-ны өдөр БЗД-ийн 31-р байранд иргэн цахилгаан тасрах үед ахуйн газан плитка хэрэглэж байгаад орхин гарснаар /цахилгаан ирэх үед/ цахилгаан плиткээ асаалттай чигээр нь орхиж гарсны улмаас дээр нь байсан газ нь дэлбэрч, тэсрэлт гарсны улмаас тухайн сууцны цонхнууд хагарсан осол гарлаа.

Иймд нийт Сууц өмчлөгчдийн холбоод иргэд оршин суугч нартаа мэдээлэх, оршин суугчид дор дурдсан аюулгүй байдлын зааврыг сайтар мөрдөнө үү.

1. Хийн болон цахилгаан хэрэглэлийн бүрэн бүтэн байдлыг шалгаж хийг бүрэн хааж хэвших

2. Газ үнэртсэн тохиолдолд асаагуур, тамхи хэрэглэхгүй байх

3. Хэрэглээгүй үедээ газ, цахилгаан гэх мэт хэрэглээг салгаж хэвших

4. Ус, цахилгаан тасарсан үед хэрэглээгээ салган, хааж хэвших 

5.Хүүхдэд аюулгүй ажиллагааны талаар анхааруулах

6. Аюул осолын сэжигтэй тохиолдол илэрвэл Онцгой байдлыг 101, 105, Цагдаагийн байгууллагын 102 дугаарт утас болон Сууц өмчлөгчдийн холбоондоо мэдээлэн бусдын болон өөрийн амь нас эрүүл мэндийн төлөө хамтран ажиллана уу