Хилийн боомтуудын 2026 оны зургаадугаар сард ажиллах цагийн хуваарийг Хил хамгаалах байгууллагаас мэдээллээ. 

Монгол-Оросын Боршоо, Арцсуурь, Ханх, Цагааннуур, Тэс, Ульхан авто замын боомтууд Монгол Улсын хүүхдийн баярын өдөр буюу зургаадугаар сарын 1-ний өдөр болон ОХУ-ын Оросын өдөр буюу зургаадугаар сарын 12,13-ны өдрүүдэд түр хаах юм байна. 

Монгол-Хятадын Булган, Ханги, Хавирга авто замын боомтууд БНХАУ-ын Луут завины баяраар буюу зургаадугаар сарын 19-ний өдөр түр хаана. Байтаг, Замын-Үүд, Бургастай, Шивээхүрэн, Гашуунсухайт, Бичигт, Баянхошуу, Сүмбэр автозамын боомтууд Монгол Улсын Хүүхдийн баярын өдөр буюу зургаадугаар сарын 01-ний өдөр, БНХАУ-ын Луут завины баяраар буюу зургаадугаар сарын 19-ний өдөр түр хаана.