Сонгинохайрхан дүүргийн нутаг дэвсгэрт “улсын дугааргүй хар өнгийн автомашинтай дөрвөн залуу зодож, автомашинд хүчээр суулган гар утас, хувцас болон бусад эд зүйлсийг дээрэмдсэн” гэх дуудлага мэдээлэл энэ сарын 14-ний 06:00 цагийн орчимд Цагдаагийн байгууллагад бүртгэгджээ.

Тус дуудлага мэдээллийн дагуу алба хаагчид шуурхай эрэн сурвалжилж, сэжигтэй “Б” нарын дөрвөн этгээдийг олж тогтоон шалгалтын ажиллагааг үргэлжлүүлж байна.