Цэргийн ... дугаар ангид хугацаат цэргийн албан хаагчийг зодож, эрүүг нь хугалсан Н.Базарсадад шүүхээс 9 сар хорих ял оноожээ. Дотоодын цэргийн 05 дугаар ангид 2026.01.23-нд хугацаат цэргийн албан хаагч нэгнээ зодож буй бичлэг ил болсон юм. Тодруулбал, хугацаат цэргийн албан хаагч Н.Базарсад нь хамт алба хааж байсан цэргийг зогсоож байгаад гартаа алчуур зангидан зодож, эрүүг нь хугалсан ноцтой хэрэг гарсан юм. Цагдаагийн байгууллага уг хэргийн мөрөөр шалгалт явуулж, прокурор Эрүүгийн хуулийн 28.3-1-д зааснаар яллах дүгнэлт үйлдэж, шүүхэд шилжүүлжээ. Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх уг хэргийг 2026.05.21-нд шүүж, шүүгдэгч Н.Базарсадад 9 сар хорих ял оноожээ.