Зуны тэргүүн сарын шинийн 15-нд тохиодог Бурхан багшийн их дүйчэн өдөр энэ жил 2026 оны 05 сарын 31-ний өдөр тохионо. Үйлдсэн буяны үр нь бум түм болон арвиждаг онцгой өлзийт сайн цаг тохиосон “Буян хураах сар”-аар эрхэм та өдөр болгон ухамсар санамсартайгаар зорин зорин нэгэн буяныг үйлдээрэй. 

ЖАДО РИНБҮЧИ БАГШИЙН АЙЛДВАР:

Бурханы шашин гэхээр хүний хүрэхгүй, ойлгохгүй, холын гүнзгий ном номлодог, Бурханы шашинтнууд нь зүгээр л бясалгадаад суугаад байдаг эсвэл зөвхөн эрхи эргүүлээд байхыг хэлдэггүй. Харин ч эсрэгээрээ хамгийн түрүүнд ойрын болон бусад хүмүүсд хэрэгцээтэй зүйлсээр нь туслах зэргээр бодитой сайн үйл хийх нь Бурханы шашин юм. Тиймээс сүсэгтэн олон та бүхэн нэн ялангуяа залуучууд эхлээд бусдад бодитой туслаж чаддаг болсныхоо дараа Бурханы шашны онол, бясалгал, гэгээрэл нирвааныг ярих нь чухал юм шүү.

Хувилгаан багшийн айлдсаны дагуу эрхэм монгол хүн та ээж аав, ах дүүс зэрэг ойрын хүмүүсдээ чадвал цаашлаад эм эмчилгээний төлбөр мөнгө хэрэгтэй байгаа хүмүүсд туслаж нэгэн буяныг үйлдээрэй. Зургийн тайлбар: 2017.04.10-нд харааны 90 хувийн алдагдалтай нэгэн аавд хамрын амьсгал сэргээх, таславч тэгшлэх унтуулгатай хагалгааны төлбөр 350,000 төгрөгөөр туслахын сацуу амьдралд ахуйд нь нэмэр болгож 170,000 төгрөгийн бэлэн мөнгөний туслалцаа үзүүлсэн үйл явдлын зураг.

Жавзандамба Хутагт Төв