34 настай Ш 2011 онд СУИС-ийн 2-р дамжааны оюутан байхдаа ангийнхаа 7 эрэгтэй оюутан нийлж хүчиндсэн хэргийг илчилсэн. Тэгвэл хэрэгт холбогдсон хүмүүст яллагдагчаар татсан тогтоолыг гардуулж, хилийн хориг тавьжээ. Энэ талаар хохирогч Ш өөрийн цахим хуудастаа "Надтай адилхан мэдээ хүлээж байгаа хүмүүст дуулгахад намайг хохироосон, хэрэгт холбогдогч бүх хүмүүст яллагдагчаар татсан тогтоолыг нь гардуулсан тухай сайхан мэдээ сонслоо. Зарим этгээдүүдэд эрүүгийн хэрэг хянан шийдвэрлэх тухай хуулийн 14-р зүйлд заасны дагуу хязгаарлалт тогтоох, таслан сэргийлэх арга хэмжээ авсан гэдэг мэдээллийг авлаа" гэв.