Сэлэнгэ аймгийн нутаг дэвсгэрт хүн хутгалуулсан гэх дуудлага мэдээлэл энэ оны дөрөвдүгээр сарын 26-ны өдөр цагдаагийн байгууллагад бүртгэгджээ.

Тодруулбал, нэр бүхий иргэн согтууруулах ундаа хэрэглэсэн үедээ хувийн таарамжгүй харилцааны улмаас төрсөн дүүгийнхээ зүүн гар орчимд хутгалсан байж болзошгүй хэргийг цагдаагийн байгууллагаас шалгаж байна. Урьдчилсан байдлаар хүний эрүүл мэндийн халдашгүй байдлын эсрэг үйлдэгдэж буй гэмт хэргийн гол шалтгаан нөхцөл нь архи, согтууруулах ундааны хэт хэрэглээ, маргаан, таарамжгүй харилцаа зэргээс үүдэлтэй байгаа аж.

Иймд иргэдийг өөрийн болон бусдын аюулгүй байдлыг хангаж, болзошгүй эрсдэлээс урьдчилан сэргийлэхийг цагдаагийн байгууллагаас анхаарууллаа.