Төв цэнгэлдэх хүрээлэн ₮105 саяын төсөвтэй метал илрүүлэгч хаалга худалдан авах тендер зарлажээ. Санхүүжилтийг өөрийн хөрөнгөөр шийдэхээр тусгасан бөгөөд нийлүүлэх төхөөрөмж нь олон улсын стандарт, аюулгүй ажиллагааны шаардлагыг бүрэн хангасан байхыг нотлох гэрчилгээ шаардаж байна.

Уг төхөөрөмж нь олон нийтийн арга хэмжээ, тоглолт, спортын үйл ажиллагааны үеэр аюулгүй байдлыг сайжруулах зорилготой бөгөөд оролцогчдын биед байгаа металл эд зүйлсийг илрүүлэх зориулалттай аж.

Хэдийгээр олон нийтийн аюулгүй байдлыг хангах зорилготой ч ийм хэмжээний зардал нь төсвийн үр ашиг, худалдан авалтын хэрэгцээ шаардлагын талаар багагүй анхаарал татаж байна. Тиймээс тендерийн сонгон шалгаруулалт ил тод, үр ашигтай байх нь чухал гэж үзэж байна.