Нийслэлийн Сонгинохайрхан дүүргийн VII хороонд байрлах “Хилчин” хотхоны автобусны буудлын ард хүн нас баржээ. Уг буудлын ард настай хүн хэвтэж байгаа тухай мэдээлэл цагдаагийн байгууллагад 5 дугаар сарын 3-ны 11:31 цагт ирсэн байна.

Түүний дагуу цагдаагийн байгууллага очиж шалгахад, 60 гаруй насны эрэгтэй нас барсан байжээ. Уг хүний биед ил харагдах гэмтэл, шарх байгаагүй аж.

Уг хэргийг Сонгинохайрхан дүүргийн Цагдаагийн II хэлтэс шалгаж байна. Талийгаачийн ар гэрийнхнийг олж, холбоо барьсан аж. Тэдний өгсөн мэдээллээр бол тухайн хүн цусны даралт ихсэх өвчтэй, зүрх нь өвддөг байсан гэнэ.