Говьсүмбэр аймаг дахь шүүхийн шийдвэр гүйцэтгэх газар-425 дугаар нээлттэй хорих ангид 10 хоногийн Випашяна бясалгалын курс хичээллэжээ. 10 хоног нам гүм орчинд Буддагийн хүн төрөлхтөнд зориулан шашин харгалзахгүй заан үлдээсэн Випашяна бясалгалыг хийж, стрэсс хямрал, уйтгар гуниг, уур уцаар бүхнээсээ салсан тус ангийн 76 хүмүүжигчид бясалгаж сурчээ. Алдаж эндсэн олон залуусд хүрч ажиллах сайхан боломжийг олгосон Шүүхийн шийдвэр гүйцэтгэх байгууллага -ын дарга хурандаа А.Намсаманд болон тус хорих ангийн дарга хурандаа У.Энхтүвшин, сэтгэл зүйч ахлах дэслэгч Э. Амаржаргал болон харуул хамгаалалтын ажилтнууд, 10 хоног сайхан хоол унд гоё талхаар үйлчилсэн тус ангийн гал тогооны хамт олонд бясалгалын багш нар баярлаж талархсанаа илэрхийлсэн байна. Эдгээр залуусыг цаашид өглөө 6-7, орой 8-9 цагийн хооронд тогтмол бясалгалаа хийх нөхцлийг бүрдүүлэхээр болжээ.