Дуучин Б.Амархүү Увс аймагт тоглолтоо хийх үеэрээ гарсан асуудлыг лайваар мэдээлсэн. Үүний дараа тус аймгийн Засаг даргын орлогч С.Анхбаяр удаа дараа постоор мэдэгдэл хийхдээ хүний эрхийн зөрчил гаргасан гэж ХЭҮК-оос үзэж, шалгах ажиллагааг шуурхай эхлүүлжээ. Тодруулбал, тухайн иргэн өмнө нь гэмт хэрэгт холбогдож, хууль ёсны шийдвэрийн дагуу хариуцлагаа хүлээгээд дууссан. Гэтэл өмнө ял шийтгэл эдэлж байсан гэх үндэслэлээр урлаг уран сайхны үйл ажиллагаа явуулахад нь саад учруулах, хориглох нь хүний эрхийн зөрчил бөгөөд комиссын гишүүний шаардлага хүргүүлэхээр ажиллаж байна.