Шивээхүрэн-Сэхэ боомтыг БНХАУ-ын  Сэхэ боомттой 7.1 км төмөр замаар холбох бүтээн байгуулалтын ажил өнгөрсөн тавдугаар сарын сүүлээр эхэлж, 2023 оны IV улиралд багтаан ашиглалтад оруулах төлөвлөгөөтэй ажиллаж байна.

Шинэ сэргэлтийн бодлогод тусгагдсан Боомтын сэргэлтийн хүрээнд Засгийн газрын 446 дугаар тогтоолоор “Шивээхүрэн-Сэхэ” боомтын төмөр замын төслийг хэрэгжүүлэх үүргийг “Монголын төмөр зам” ТӨХК-д даалгасан. 

“Монголын төмөр зам” ТӨХК нь тус төмөр замын бүтээн байгуулалтын бэлтгэл ажлын хүрээнд Шивээхүрэн-Сэхэ боомтын төмөр замын инженер-геологи, гидрологийн судалгааны ажлыг хийж, техник, эдийн засгийн үндэслэлийг боловсруулан гүйцэтгэсэн юм.