Өнөөдөр 14.00 цагт 2025 оны Үндэсний баяр наадмын үзүүр бөх Н.Өсөхбаярын өргөдлийг Монголын Олон улсын ба үндэсний Спортын арбитрын дэргэдэх Давж заалдах комисс хэлэлцлээ. Өргөдөл гаргагч Н.Өсөхбаярын өмгөөлөгч лабораторийн хариу гадаадаас мэйлээр ирэхдээ англи хэлээр ирсэн учир орчуулж баримттай танилцаж амжаагүй байгаа тул нотлох баримттай танилцах хугацаа өгч хурлыг хойшлуулахыг хүсэв. Мөн Баяр наадмыг зохион байгуулах салбар хорооноос хойшлуулах хэд хэдэн үндэслэлийг дурдсан учир Н.Өсөхбаярын өргөдлийг хэлэлцэх хуралдаан тавдугаар сарын 11-ний өдрийн 10.00 цагт болж хойшиллоо.