Сүүлийн үед цахим орчинд “автомашины оношлогоо дарж өгнө” гэх утга бүхий худал мэдээлэл байршуулж, урьдчилан мөнгө шилжүүлэхийг шаардах залилангийн тохиолдлууд гарч байна. Ийм төрлийн үйлдэл нь эрүүгийн гэмт хэрэгт тооцогддог бөгөөд цагдаагийн байгууллагаас өнгөрсөн онд 270 орчим иргэдийг залилсан этгээдийг илрүүлэн, хуулийн хариуцлага хүлээлгэсэн байна. Техникийн хяналтын үзлэг, оношлогооны төвүүд нь хууль, журамд зааснаас бусад тохиолдолд хувь хүний дансаар төлбөр хүлээн авдаггүй болохыг анхаарна уу.

Иргэд та бүхэн:

Албан ёсны, баталгаатай төвөөр үйлчлүүлэх

Танихгүй этгээдэд мөнгө шилжүүлэхгүй байх

Сэжигтэй мэдээлэлд нягтлан хандах зэрэг арга хэмжээг авч, санхүүгийн залиланд өртөхөөс урьдчилан сэргийлнэ үү.

Эх сурвалж: Авто Тээврийн Үндэсний Төв