Баян-Өлгий аймагт 2025 оны эцсийн байдлаар 89,478 иргэн нийгмийн халамжийн үйлчилгээнд хамрагдсан нь улсын хэмжээнд 3.6 хувийг эзэлж байна. Үүний 55 хувь нь хүүхдийн мөнгөн тэтгэмжийн үйлчилгээ байна. Дотоод хяналт шалгалтаар 0–18 насны хүүхдүүдийн мэдээлэлд зөрчил илэрч, нас барсан хүүхдийн нэр дээр тэтгэмж авсан тохиолдлууд бүртгэгдсэн байна. Үүнтэй холбоотойгоор нийт 67 хүүхдийн мэдээллийг шалгаж, тэтгэмжийг зогсоон, холбогдох байгууллагад шилжүүлжээ. Шалгалтын үр дүнд 50 тохиолдолд шүүхийн шийдвэр гарч, 176.6 сая төгрөгийг нийгмийн халамжийн санд буцаан төлүүлсэн бол үлдсэн 17 хэрэг шалгагдаж байна. Цаашид нас барсан хүүхдийн мэдээлэл улсын бүртгэлд бүртгэгдсэн тохиолдолд E-halamt системээр дамжуулан тэтгэмжийг автоматаар зогсоох зохицуулалт хэрэгжиж байна.