Улаанбаатар хотын төв талбай дээр урлаг, соёл, спортын арга хэмжээ зохион байгуулж эхлээд буй. Энэ сард төв талбай дээр хоолны өдөрлөг, цирк, ширээний теннис, “playtime pre event” урлагийн арга хэмжээ, зарим яамны нээлттэй хаалганы өдөр болно гэж нийслэлийн Засаг Даргын Тамгын Газрын Хэвлэл мэдээллийн хэлтэс мэдээлсэн юм.

Төв талбай дээр 4 дүгээр сарын 17-26-нд болох хоолны өдөрлөгт Монголын ресторан, зоогийн холбооны гишүүн, дотоодод үйл ажиллагаа явуулдаг 30 орчим рестораны тогооч нар оролцож, хятад, солонгос, япон зэрэг ази, мексик, европ хоол хийхээр төлөвлөсөн гэдгийг нийслэлийн Аялал Жуулчлалын газар хэллээ. Тэд хоолны төрөл, үнээ одоогоор тодорхой болгоогүй байна.

Өнгөрсөн жил долоон өдрийн хөтөлбөртэй хоолны өдөрлөгт нийслэлээс нийт 600 гаруй сая төгрөгийн зардал гарсан байдаг.