Өнгөрсөн гуравдугаар сарын 30-ны өдөр ХУД-ийн Эрүүл мэндийн төвийн эмч нар ажлын байран дээрээ согтууруулах ундаа хэрэглэсний улмаас 74 настай иргэн эмнэлгийн тусламж авч чадалгүй байсаар зүрх нь зогсжээ.

Тодруулбал, тус дүүргийн оршин суугч 74 настай иргэн Ж-ийн бие муудаж, 15.00 цагийн орчимд ХУД-ийн Эрүүл мэндийн төвийг зорьжээ. Гэтэл яаралтай түргэн тусламж үзүүлэх ёстой эмч нь өөрийн ухаангүй согтуурсан байдалтай байсан бөгөөд шаардлагатай тусламжийг цаг тухайд нь авч чадалгүй удсаны улмаас 18.00 цагийн үед тухайн иргэний зүрх нь зогссон гэлээ.  

Одоогоор тус эмнэлгийн хариуцлага алдсан ажилтан ХУД-ийн цагдаагийн хэлтэст шалгагдаж байгаа аж.