4-р сарын 2-ны өдөр, Пүрэв гариг. Өдөртөө Завхан, Хөвсгөл, Архангай, Булган, Говь-Алтай, Баянхонгор, Өвөрхангай, Хэнтийн нутгаар нойтон цас орно. Мөн өдөртөө хангайн, төвийн, говийн аймгуудын нутгаар хүчтэй салхи шуургатай. Үдэш орой болон Пүрэв гаригаас Баасан гаригт шилжих шөнө Булган, Сэлэнгэ, Хэнтий, Дундговь, Өвөрхангай, Сүхбаатарын нутаг, Өмнөговь, Дорноговь, Дорнодын зарим сумдын нутгаар нойтон цас орж, цасан болон шороон шуурга шуурна. Улаанбаатар хот орчимд өдөр 13:00 -15:00 цагийн орчимд багахан цас будрах төлөвтэй, Бямба гаригт дахин цас орохоор байна. Өнөөдөр Улаанбаатар хот орчимд үдээс хойш салхины хурд нэмэгдэж шуурах, өдөртөө +4+6 орчим градусын дулаан байна. Улаанбаатар хот орчимд Бямба, Ням гаригт цаг агаар тогтворгүй, цас орж, салхи шуургатай байх төлөвтэй байгааг анхаарна уу. 

Эх сурвалж: Намжилдорж Энхбаяр