"Хөгжлийн бэрхшээлтэй хүмүүсийн байгууллагуудын чадавхыг бэхжүүлснээр хөгжлийн бэрхшээлтэй хүмүүс эрх мэдэлжих" төсөл хамтрагч байгууллагуудынхаа төлөөллүүдтэй орон нутгийн томилолтын баг үүсгэж "Улаанбаатар төмөр зам" Хувь нийлүүлсэн нийгэмлэг-ийн зорчигчийн вагон буюу бидний хэлж заншсанаар галт тэргээр Дархан хотыг зориод  иржээ. Зорчигчийн вагонд суудал захиалах явц дараалал нь хөгжлийн бэрхшээлтэй хүнд чирэгдэлтэй, удаашралтай байгаа талаар төслийн менежер Л.Гэрэлцэцэг болон ХБИ-ийн Сургалт мэдээллийн төвийн тэргүүн Н.Энхбаяр нар УБТЗ ХНН-ийн Зорчих албатай биечлэн уулзаж, хүртээмжтэй үйлчилгээний талаар санал солилцсон билээ.

Хөгжлийн бэрхшээлтэй хүнд ээлтэй, хүртээмжтэй галт тэрэгний дотоод зохион байгуулалт, үйлчилгээ сайн байна. Харин цаашид хөгжлийн бэрхшээлтэй иргэд аюулгүй, тав тухтай тээврийн хэрэгсэл болох галт тэргийг хот хоорондын зорчин явах тээврийн хэрэгслээр сонгож, илүү өргөнөөр ашиглаж байхыг уриалж байна. Ингэснээр хэрэглэгчдийн санал, хүсэлтэд тулгуурлан хэрэгцээг бүрэн хангасан, хүнд ээлтэй хүртээмжтэй үйлчилгээ улам сайжрах боломжтой.