“Санхүүгийн суурь мэдлэгийг дээшлүүлэх стратеги 2024-2030” стратегийн баримт бичигт тусгагдсан хүүхэд, залуусын санхүүгийн мэдлэгийг дээшлүүлэх зорилтыг хэрэгжүүлэх хүрээнд “Санхүүгийн соёлын үндэсний хөтөлбөр”-ийн нээлтийн арга хэмжээ зохион байгуулагдлаа.

Тус арга хэмжээг Төрийн банк болон Боловсролын мэдээллийн технологийн төв хамтран зохион байгуулж, хөтөлбөрийн хүрээнд улсын хэмжээнд 21 аймаг, нийслэлийн 7 дүүргийн 51 сургууль, ерөнхий боловсролын 6–12 дугаар ангийн нийт 60,494 суралцагч, 1,754 анги удирдсан багш хамрагдаж байна.

Арга хэмжээний үеэр хөтөлбөрийн зорилго, хэрэгжилтийн чиглэл, сургалтын онцлогийг танилцуулж, “Санхүүгийн соёлын үндэсний хөтөлбөр”-ийг амжилттай дүүргэсэн сурагчдад батламж гардууллаа.

Энэхүү хөтөлбөр нь сурагчдын санхүүгийн суурь мэдлэгийг нэмэгдүүлэх, зөв хэрэглээ, хариуцлагатай санхүүгийн зан төлөвийг төлөвшүүлэхэд чиглэж байгаа бөгөөд цаашид улсын хэмжээнд үе шаттайгаар хэрэгжих юм.