Александр Новак 2026 оны дөрөвдүгээр сарын 1-ний өдрөөс эхлэн ОХУ бензиний экспортод түр хугацааны хориг тавих шийдвэрийг албан ёсоор зарлалаа. Тус шийдвэр нь дотоодын шатахууны нийлүүлэлтийг тогтвортой байлгах, үнийн өсөлтийг хязгаарлах зорилготой юм.

 Reuters-ийн мэдээлснээр уг хориг нь урьдчилсан байдлаар 2026 оны долоодугаар сарын 31-ний өдөр хүртэл үргэлжлэхээр төлөвлөгдөж байна.

Сүүлийн саруудад дэлхийн эрчим хүчний зах зээлд үнийн савлагаа нэмэгдэж, зарим бүс нутагт нийлүүлэлтийн эрсдэл үүссэн нь ОХУ ийм арга хэмжээ авахад нөлөөлсөн гэж ажиглагчид үзэж байна. Мөн тус улс өмнө нь дотоодын хэрэгцээг хангах үүднээс шатахууны экспортод ижил төрлийн хязгаарлалт тогтоож байсан туршлагатай.