“Mini Hackathon night” арга хэмжээ АНУ-ын Калифорни мужийн Уолнат Крик хотноо 2026 оны 3 дугаар сарын 21-ний өдөр амжилттай болж өнгөрлөө.

Уг арга хэмжээг Vesta Step Inc-ийн хамт олон санаачлан Монгол гаралтай стартап үүсгэн байгуулагчдыг дэмжих, хөрөнгө оруулалтын гүүр болох зорилгоор гадаадын хөрөнгө оруулагчид, салбартаа нэр хүндтэй менторуудыг урьж авчран гарааны бизнесүүдийн төслийг танилцуулж, хэлэлцүүлэг өрнүүлэн, санал бодлоо солилцох хэлбэрээр явагдсан нь шинэлэг байлаа. Энэхүү үдэш зөвхөн танилцуулга хийгээд зогсохгүй, бодит үр дүнгүүдийг авчирав. Төслөө танилцуулсан залуучууд эхнээсээ хамтран ажиллах санал, хөрөнгө оруулалтын боломжууд болон Funding Breakthrough Lab-ийн хурдасгуур (accelerator) хөтөлбөрт үнэ төлбөргүй хамрагдах эрхээр шагнагдлаа.

Энэ нь Монгол залуус дэлхийн технологийн төв болсон Цахиурын хөндийд өрсөлдөх бүрэн чадвартайг баталсан төдийгүй, дараа дараагийн залуу үедээ замыг нь засаж өгсөн түүхэн алхам болов. Тиймээс дараа дараагийн стартапууддаа зориулсан арга хэмжээнүүдийг илүү өргөн хүрээгээр зохион байгуулж, хөрөнгө оруулагч зөвлөх мэргэжилтнүүдийг татан оролцуулах болно. Бид бие биенээ өрсөлдөгч биш, харин хамтрагчид, нэгэн зорилготой нөхөд гэж харж, бие биенээ дэмжсэнээр дэлхийн зах зээлд бөөнөөрөө хүч түрэн орох боломжтой гэдгийг дараа дараагийн алхамуудаар харуулцгаая! Монгол ухаан дэлхийд танигдах болтугай.