"Машин бохирдууллаа" гэх шалтгаанаар хойд эцэг нь хоёр настай хүүг хөнөөж, нуусан онц харгис хэрэг өнгөрсөн оны 09 дүгээр сард гарсан. Гэмт этгээд өөрийн үйлдлээ нуухын тулд машинаа хулгайд алдчихлаа хэмээн цагдаагийн байгууллагад дуудлага өгсөн байдаг.  Тухайн хэргийн шалгалт дуусч, шүүхэд шилжүүлэн хурлыг товлоод байсан. Ингэхдээ талийгаач хүүгийн ээжийг "асран хамгаалах үүргээ биелүүлээгүй" үндэслэлээр яллагдагчаар татсан. Тэгвэл Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүх хэргийг хэлэлцээд талийгаач хүүгийн хууль ёсны төлөөлөгчөөр дүүргийн нийгмийн ажилтныг томилоод байсныг өөрчлөн хүүгийн төрсөн эцгийг хохирогчоор тогтоохоор болжээ. Улмаар шүүх хурлыг 30 хоногоор хойшлуулсан байна.