Эрдэнэт үйлдвэр 2 тэрбум төгрөгөөр “чанарын хяналтын программ хангамж” худалдан авахаар тендер зарлажээ. Уг программ хангамж нийлүүлэхэд 2,060,568,664 буюу 2 тэрбум төгрөг зарцуулахаар төлөвлөсөн бөгөөд санхүүжилтийг өөрийн хөрөнгийн төсвөөс гаргах аж.

Тендерийн баримт бичгийг дөрөвдүгээр сарын 27-ны 09:00 цаг хүртэл хүлээн авч, 09:10 цагт нээхээр товлосон нь хугацааны хувьд нэлээд шахуу харагдаж байгаа нь зарим оролцогчдод бэлтгэл хангах боломжийг хязгаарлаж болзошгүй юм. Иймд уг худалдан авалтын ил тод байдал, үр ашиг, хэрэгцээ шаардлагад олон нийт хяналт тавих нь зүйтэй гэсэн байр суурь ч гарч байна.