"Зам тээврийн осол гарч, хүмүүс нас барсан” гэх дуудлага энэ сарын 20-ны өдөр цагдаагийн байгууллагад иржээ. Дуудлага, мэдээллийн дагуу шалгахад Дорноговь аймгийн Сайншанд сумын 8-р багийн нутагт "Toyota Sai" маркийн автомашин замын хажуу руу онхолдож, гурван иргэн амиа алдсан нь тогтоогджээ. Улмаар тус ослыг аймгийн цагдаагийн газарт үргэлжлүүлэн шалгаж байгаа бөгөөд нас барсан иргэд нь УБТЗ-ын  Чойр, Сүхбаатар, Замын-Үүд өртөөний гурван ажилтан байжээ.