Боловсролын яамнаас салбарын шагнал, тэмдэг, холбогдох хэрэглэгдэхүүн нийлүүлэх бараа худалдан авах тендер зарласан бөгөөд уг худалдан авалтад нийт 81 сая 670 мянган төгрөг зарцуулахаар төлөвлөжээ. Санхүүжилтийг улсын төсвийн урсгал зардлаас гаргахаар тусгасан байна.

Тус тендерийн хүрээнд салбарын ажилтнуудыг урамшуулах, алдаршуулахад ашиглагддаг шагналын иж бүрдлийг бөөнөөр нь нийлүүлэхээр төлөвлөсөн бөгөөд үүнд “Боловсролын тэргүүний ажилтан” тэмдгийг 5000 ширхэг, “Үндэсний бичиг соёл, номын өдөр”-т зориулсан тэмдгийг 400 ширхэгээр бэлтгэхээр тусгажээ. Мөн дээрх тэмдгүүдийн хадгалалт, үзэмжийг хангах зориулалттай 5000 ширхэг хайрцаг, түүнчлэн яамны хүндэт жуух бичгийн 6000 ширхэг хавтас, үнэмлэхний 5000 ширхэг хавтас худалдан авах аж.

Үүнээс гадна шагнал гардуулахад дагалдах тууз, бичиг болон бусад шаардлагатай хэрэглэгдэхүүн багтсан байна.