Импорт тоглогч Byron Wesley-д нэгэн монгол охин зодуулсан, улмаар цагдаагийн байгууллагад хандсан гэх мэдээлэл нь олны анхааралд хүрээд байна. Тухайн эмэгтэй "Хүрээд ир гэхээр нь гэрт нь очсон нь үнэн. Гэхдээ би түүнд хүрээ ч үгүй, юм ч бараг яриагүй. Зайл гэхэд нь зайлаагүй болохоор би зодуулсан. Гэхдээ зодож байхдаа намайг яагаад ганцаараа ирсэн юм, найзуудаа яагаад авч ирээгүй юм гэж байсан. Намайг маш хүчтэй юм мөргүүлсэн. Нэг мэдсэн ухаан балартаж нүд харанхуйлаад шалан дээр уначихсан. Энэ хүнийг яаж ч чадахгүйгээ мэдээд зориглоод цагдаад өгсөн" хэмээн нийтэлсэн. 

Тухайн хэрэг гуравдугаар сарын 7-8-нд шилжих шөнө болжээ. Эх сурвалжийн мэдээлснээр энэ эмэгтэйг Byron Wesley гэрээсээ гаргах гэж биед нь хүрэхэд хөхрөлт үүссэн бөгөөд холбогдох байгууллагуудаар шалгуулахад гэмтлийн зэрэг тогтоогдоогүй аж.