Монгол Улсын Засгийн газар, Соёлын яамнаас 12 аймгийн 17 байршлыг улсын хэмжээний аялал жуулчлалын бүс болгон анх удаа зарласан. Засгийн газар, Соёлын яамтай хамтран Отгонтэнгэр хайрханы төрийн тахилга болдог өвөр хэсэг, хүүхдийн зуслантай ар хэсэг 2-ыг Монгол Улсын хэмжээний аялал жуулчлалын бүс хэмээн оруулж, ОТГОНТЭНГЭР хайрханы ар, өвөр хэсэгийн аялал жуулчлал, хамгаалалтын төлөвлөгөөг Соёлын яам, Байгаль орчин, уур амьсгалын өөрчлөлтийн яамтай хамтран хийж батлуулах, улсын төсвөөр авто зам тавих, шашины аялал жуулчлалын нэгдсэн цогцолбор барих, хөрөнгө оруулалт татах, хөнгөлөлттэй зээлийг бодлогоор дэмжих боломжууд бүрдэх юм.

• ОТГОНТЭНГЭР хайрханы урд хэсэгт ОТГОН, ЦАГААНХАЙРХАН сумын нутаг 26.290 га талбай, АР хэсэгт АЛДАРХААН, ИДЭР сумын 66.900 га талбайг улсын хэмжээний аялал жуулчлалын бүсэд хамруулан нэгдсэн төлөвлөлтийг эхлүүллээ.
•  Төлөвлөлтийн талаар хэлэлцүүлэг хийж, иргэд, аж ахуйн нэгжүүд, холбоод, иргэний нийгмийн байгууллагуудын саналыг бүрэн тусгана. Хамтарч ажиллах бүх хүмүүсийг урьж байна.
•  Цаашид Засгийн газрын энэхүү тогтоол буюу улсын хэмжээний аялал жуулчлалын бүсэд ЭРДЭНЭХАЙРХАН сумын ХАР НУУРЫГ нэмж оруулах бодлого баримтлана.