Өнөөдөр Чингэлтэй Нэгдсэн эмнэлгийн Мэс засал, гэмтлийн тасгийн хамт олон "Дурангийн аргаар түрүү булчирхай авах" мэс заслыг анх удаа амжилттай хийлээ. Энэхүү мэс заслыг УНТЭ-ийн урологи, андрологи бөөр шилжүүлэн суулгах Мэс заслын эмч, Тэргүүлэх зэрэгтэй Г. Ганболд, ЧНЭ-ийн Урологийн мэс заслын эмч, Тэргүүлэх зэрэгтэй, Клиникийн профессор Г. Мэндбаяр, ЧНЭ-ийн Мэдээгүйжүүлгийн эмч, магистрант Э. Хандармаа, Мэдээгүйжүүлгийн эмч, магистрант А. Буянжаргал, УНТЭ-ийн ахлах сувилагч, Зөвлөх зэрэгтэй Соёлмаа, ЧНЭ-ийн Мэдээгүйжүүлгийн сувилагч М.Хулан, сувилагч Х.Оюун-Эрдэнэ, Урологийн Мэс заслын сувилагч Ж.Отгонбаяр, Мэс заслын сувилагч, ахлах зэрэгтэй Б.Мөнх-Өлзий, Хагалгааны асрагч Б.Доржпагма нар гүйцэтгэв.

Чингэлтэй дүүргийн ИТХ, ЗДТГ-ын хөрөнгө оруулалттай Урологийн мэс заслын дурангийн иж бүрэн, сүүлийн үеийн багаж тоног төхөөрөмжөөр урологи-андрологийн тусламж үйлчилгээг Чингэлтэй дүүргийн ард иргэдэд чанартай, хүртээмжтэй хүргэх, шинэ технологийг нэвтрүүлж, бөөр шээсний замын дурангийн мэс заслыг нутагшуулах ажлын эхлэл амжилттай боллоо.