“Эко констракшн” ХХК-ийн Сүхбаатар дүүргийн 1-р хороонд хэрэгжүүлж буй 55 давхар барилгын төслийг нэр бүхий улс төрчидтэй холбон, тэднээс санхүүжилт авдаг мэтээр худал, гүтгэлгийн шинжтэй мэдээлэл тарааж байгаатай холбогдуулан дараах мэдэгдлийг гаргаж байна. Энэхүү төсөл нь Олон улсын Hilton Worldwide Group-ын Conrad Hotels & Resorts брэндийг Монголд албан ёсоор нэвтрүүлэх гэрээтэй, холбогдох хууль тогтоомжийн дагуу хэрэгжиж байгаа Монгол Улсын аялал жуулчлалд стратегийн өндөр ач холбогдолтой хөрөнгө оруулалт юм. Иймд дээрх төслийг улс төрийн зорилгоор гуйвуулан тайлбарлаж, худал мэдээлэл тарааж буй үйлдлээ нэн даруй зогсоохыг холбогдох байгууллага, хувь хүмүүст анхааруулж байна. Цаашид манай үйлчлүүлэгчийн нэр хүнд, үйл ажиллагаанд халдсан худал, төөрөгдүүлсэн мэдээлэл дахин нийтэлсэн тохиолдолд хуулийн байгууллагад хандах болохыг үүгээр мэдэгдэж байна гэв. 

Ташрамд дурьдахад, тус зочид буудал нь Эко интернейшнл группийн эзэмшилд байх бөгөөд Hilton-ий удирдлага дор 227 өрөөтэй, нийслэл хотын худалдаа, зугаа цэнгэл, зочлох үйлчилгээ, дээд зэрэглэлийн амьдралын хэв маягийн шийдлүүдийг нэг дор цогцлоосон, олон зориулалттай онцлох байгууламжиайгаар “Улаанбаатар Эко Тауэр”-ын бүрэлдэхүүнд байгуулагдана. Мөн 4 өөр төрлийн ресторон, үйлчилгээний газар, ойролцоогоор 1800 м2 талбай бүхий уулзалтын танхим, усан бассейн, спа, эрүүл мэнд амралтын байгууламжтай байх бөгөөд бизнесийн зочид болон аялагчдад зориулсан тансаг, ухаалаг үйлчилгээг санал болгохоор төлөвлөжээ.