Үе тэнгийн дээрэлхэлт, өсвөр насныхны зүй зохисгүй үйлдлүүдийг илчилсэн бичлэгүүд цацагдаж, үүний улмаас хүүхдүүдтэй холбоотой кэйсүүд сөхөгдсөөр байна. Эндээс нэгэн үйл явдлыг хохирогч иргэний бичсэнээр хүргэе. "Сэлэнгэ аймаг Сүхбаатар сум Уянга захиралтай 3-р сургуулийн 4-р ангийн 14 хүүхэд айлын цонх хагалан улмаар 2 давхраар дамжин орон байранд нэвтэрч эд зүйлс авч гарсан үйлдэл 2025.06 дугаар сард гарсан. Хандах газар нь хандаад хэлэх газар нь хэлсэн боловч шийдэгдсэнгүй. Хүүхдүүд юм гээд гомдол санал гэхгүйгээр эцэг эх нь ирж уулзах байлгүй дээ гэсэн боловч хүүхдүүдийн эцэг эх нэг ч хүн ирж уулзаагүй жил болох гэж байна. Би юу ч нэхэмжлээгүй шүү. Ичих булчирхай байдаг бол ирээд уулзаарай. 10-хан настай хүүхдүүд ийм үйлдэл гаргахаар ирээдүйд ямар хүн болж төлөвших вэ. Эмэгтэй хүүхэд хүртэл хамт байсан гэж бодохоор …" хэмээн бичжээ.